ڈائریکٹر جنرل خیبر پختونخوا جوڈیشل اکیڈمی پشاور  محمد مسعود خان نے کہا  ہےکہ چیئرمین جوڈیشل اکیڈمی ، چیف جسٹس پشاور ہائی کورٹ جسٹس یحیی آفریدی کی خصوصی ہدایات کی روشنی میں کیس منجمنٹ اور سمری ججمنٹ رولز ضابطہ دیوانی میں مجوزہ ترامیم سے متعلق ایک روزہ قومی سیمینار کا اہتمام کیا گیا جس کا مقصد سی پی سی میں مجوزہ ترامہم کا جائزہ لینا اور اس کی ضرورت ، اہمیت اور اثرات کو زیر بحث لا کر قانون ساز اداروں کی معاونت کرنا ہے ۔

ضابطہ دیوانی میں ترامیم سے متعلق ایک روزہ سیمینار سے خطاب کرتے ہوئے ڈی جی جوڈیشل اکیڈمی نے کہا کہ اس سے قبل چیئرمین جوڈیشل اکیڈمی کی ہدایات پر جوڈیشل اکیڈمی پشاور  نےتعزیرات پاکستان اور ضابطہ فوجداری میں مجوزہ ترامیم سے متعلق منعقدہ  سیمینار میں سفارشات کی شکل میں مسودہ تیار کر کے ہائی کورٹ کو بھجوایا گیا جو کہ جوڈیشل اکیڈمی پشاور کے لئے ایک اعزاز کی بات ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔