19-09-2017

 احتساب عدالت لاہور نےغیر قانونی بھرتیوں سے متعلق کیس میں سابق وزیراعظم راجہ پرویزاشرف سمیت دیگر 8 افراد پر فرد جرم عائد کیا ہے۔

 راجہ پرویز اشرف پر 437 افراد کو میرٹ سے ہٹ کر بھرتی کرنے کا الزام ہے۔ دوران سماعت راجہ پرویز اشرف کے وکیل نے ریفرنس کی صاف کاپیاں فراہم کرنے کی درخواست کی۔ جس پر عدالت نے ریمارکس دیئے کہ آپ ہر تاریخ پر یہی درخواست بار بار کرتے ہیں،عدالتی وقت ضائع نہ کیا جائے، کیس کا ٹرائل مکمل ہونے دیا جائے۔

احتساب عدالت نے سابق وزیراعظم کے وکیل کی ریفرنس کی صاف کاپیاں فراہم کرنے کی درخواست مسترد کرتے ہوئے راجہ پرویز اشرف سمیت 8 افراد پر فرد جرم عائد کر دیا۔ عدالت نے مقدمے کے گواہان شہادتیں قلمبند کروانے کے لیے آئندہ سماعت پر طلب کر لیا۔