July 23, 2018

Khyber Pakhtunkhwa Judicial Academy, Peshawar
BROADCAST TIMING

Morning : 08:00AM to 11:00AM | Evening : 03:00PM to 07:00PM
Call Now: 091-9211654 | Email us: info@radiomeezan.pk

سپریم کورٹ کی ڈیموں کی فنڈ کےلئے ذرائع ابلاغ کی موثر مہم اور عوامی آگاہی یقینی بنانے کی ہدایت

12-07-2018

سپریم کورٹ نے پیمرا اوروزارت اطلاعات کوہدایت کی ہے کہ وہ سپریم کورٹ کی جانب سے اعلان کردہ دیامربھاشا ڈیم اورمہمندڈیم فنڈ کیلئے ذرائع ابلاغ کی موثرمہم اور عوامی آگہی یقینی بنائے۔ یہ ہدایت چیف جسٹس پاکستان جسٹس میاں ثاقب نثار کی سربراہی میں  سپریم کورٹ کے  چاررکنی بنچ نے آئینی درخواست کی سماعت کے دوران کی۔عدالت نے کہاکہ ملک بھرمیں تمام بنکوں کی شاخیں داخلی دروازوں پربینرز نمایاں آویزاں کریں جن پران ڈیموں کی تعمیر کیلئے عطیات وصول کرنے کی عبارت درج ہو۔حکم نامے میں کہاگیا ہے کہ یہ تمام عطیات سٹیٹ بنک، نیشنل بنک اورمائیکروفنانس بنکوں سمیت دیگر تمام بنکوں کی شاخوں میں جمع کرائے جاسکتے ہیں۔حکم نامے میں کہاگیا ہے کہ عطیات نقدی، چیک ،پے آرڈر ،ڈیمانڈڈرافٹ اورپرائزبانڈ کی صورت میں بھی جمع کرائے جاسکتے ہیں ۔عطیات جمع کرنے والے بنک تصدیق شدہ رسید دینے کے پابند ہوں گے۔سٹیٹ بنک نے ٹول فری ہیلپ لائن نمبر273-723-111-021قائم کی ہے جس پر سوالوں کے جوابات دیئے جائیں گے اورشکایات کاازالہ کیاجائے گا ۔دیگربنک بھی اپنی الگ ہیلپ لائن قائم کریں گے جسے ذرائع ابلاغ کے ذریعے مشتہر کیاجائے گا۔

حکم نامے میں کہاگیاکہ آن لائن، انٹرنیٹ بنکنگ اور اے ٹی ایم کے ذریعے عطیات کی وصولی کیلئے آئی بی اے این نمبربھی مختص کیاگیاہے جو سٹیٹ بنک اورسپریم کورٹ کی ویب سائٹ پر ڈالاجائے گا۔عدالت نے کہاکہ عوام بغیر کسی اضافی ادائیگی کے کریڈٹ اور ڈیبٹ کارڈ کے ذریعے بھی عطیات جمع کراسکتے ہیں تاہم پاکستان سے باہرسے جمع کرانے والوں پرمتعلقہ ممالک کے چارجز لاگو ہوں گے۔وزارت خارجہ کوکہاگیا ہے کہ وہ بیرون ملک سفارتخانوں کو عطیات وصول کرنے کیلئے سٹیٹ بنک کی مشاورت سے مناسب ہدایات جاری کریں تاکہ فنڈز سٹیٹ بنک کے مخصوص اکائونٹ میں جمع کرائے جاسکیں۔عدالت نے پاکستانی سفارتخانوں اور بیرون ملک پاکستانی بنکوں کی شاخوں کو ہدایت کی ہے کہ وہ وصول شدہ عطیات کی تفصیلات سپریم کورٹ اور سٹیٹ بنک کی ویب سائٹ پرجاری کرے۔ موبائل فون کے صارفین بھی 8000ڈائل کرکے دس روپے عطیہ کرسکتے ہیں۔فنڈ میں جمع کرائے جانیوالے عطیات پرکسی قسم کاٹیکس یاڈیوٹی عائد نہیں ہوگی۔

Related posts