17-02-2017

سیہون میں لعل شہباز قلندر کے مزار پر دھماکے میں جاں بحق افراد کی تعداد 80 ہوگئی ہے جبکہ 55لاشیں ورثا کے سپرد کردی گئیں ۔پندرہ لاشیں اب بھی تعلقہ اسپتال سیہون میں موجودہیں جبکہ پانچ لاشوں کی شناخت کےلیے ڈی این اے نمونے لے لیے گئے ہیں۔

دھماکے کے 15افراد تعلقہ اسپتال میں زیر علاج ہیں جبکہ 41 شدید زخمی ، کراچی ، حیدر آباد اور نوابشاہ منتقل منتقل کیے گئے ہیں۔

حضرت لعل شہباز قلندر کے مزار میں گزشتہ روز خود کش دھماکے میں 80افراد شہید اور ڈھائی سو سے زائد زخمی ہوئے ہیں۔155زخمیوں کو طبی امداد دے کر فارغ کردیاگیا ہے ۔