11-02-2019
لاہور ہائیکورٹ نے شہباز شریف کی ضمانت پر رہائی کی درخواست کے معاملے پر نیب کا بینج پر اعتراض مسترد کرتے ہوئے اپیل ناقابل سماعت قرار دے دی ہے۔
چیف جسٹس لاہور ہائیکورٹ جسٹس سردار شمیم خان نے نیب کی درخواست پر سماعت کی۔ نیب پراسیکیوٹر نے کہا شہباز شریف کی درخواست ضمانت جسٹس علی باقر نجفی پر مشتمل بینچ کو بھجوائی جائے، موجودہ بینچ شہباز شریف کی درخواست ضمانت پر سماعت نہیں کرسکتا۔
چیف جسٹس لاہور ہائیکورٹ نے نیب سے کہا کہ میں معذرت خواہ ہوں، اب ایسا نہیں ہوتا، نیب پر پہلے بڑے الزامات لگ رہے ہیں، اب نیب اپنی مرضی کے بنچ بنوائے گا۔ شہباز شریف کی درخواست ضمانت پر سماعت موجودہ بینچ ہی کرے گا۔