15-05-2018

سپریم کورٹ نے وزیر مملکت برائے داخلہ  طلال چودھری کے خلاف توہین عدالت کیس کی سماعت پیر تک ملتوی کر دی ہے۔

جسٹس گلزار احمد کی سربراہی میں سپریم کور ٹ کے تین رکنی بنچ نے وزیرِ مملکت داخلہ طلال چودھری کے خلاف توہینِ عدالت کیس کی سماعت کی۔ استغاثہ کے وکیل نے کہا کہ ملزم کیخلاف دفعہ 342 کا بیان ہونا ہے، جبکہ طلال چودھری کا کہنا تھا کہ ان کا وکیل کوئٹہ میں ہیں، اس لیے سماعت دو ہفتوں کے لیے ملتوی کر دی جائے۔

عدالت نے دو ہفتوں کے لیے کیس ملتوی کرنے کی طلال چودھری کی استدعا مسترد کرتے ہوئے سماعت پیر تک ملتوی کر دی۔